港超聯 東方攞均業北區嚟出氣
2024年11月09日 21:51
東網電視
更多新聞短片
港超聯：東方 vs 均業北區
收看直播，請按直播ICON，或按下面鏈結：
周中剛在「亞冠盃2」失利的東方，稍作休息兩日後，周日（10日）緊接在主場出戰「中銀人壽香港超級聯賽」，於旺角大球場迎戰均業北區。至今在聯賽仍未嘗一勝的北區，且看能否把握體力上之優勢，收窄與東方之實力差距，炮製令球迷意外的賽果。（港台電視32、on.cc東網周日下午3時同步直播）
東方周中在「亞冠盃2」分組賽主場不敵卡雅，但陣中後衞丹尼爾（Dani）相信，球隊能夠及時收拾心情，準備面對北區的聯賽：「最緊要係專注番聯賽先，因為我哋好需要呢3分去保住榜首，好在球隊板凳深度夠晒深，就算踢得密啲都冇有怕！」Dani續指縱使北區正處於榜尾，但全隊依然會認真作戰：「雖然北區開季戰績麻麻，但班球員質素有番咁上下，嚟緊會愈踢愈好，咪以為今場好易應付。」
東方首循環以5比1大勝北區，當時有1球進帳的巴杜姆（Victor），有信心能夠全取3分：「我哋中前場嘅控制力好強，有能力幫唔同球員製造機會，希望呢場踢出應有水準，順利贏波，繼續衝擊聯賽冠軍。」
北區上場兩球不敵港會，成為聯賽唯一未勝之師兼跌落榜尾，主教練鮑家耀承認對士氣有影響，希望球員可以盡快調整心態：「首循環就係輸咗幾球高波同突擊，我哋要小心。只要球員落場積極啲，球隊會慢慢變番好啲。」此外，小將黃靖然各項賽事連續4場擔正，「鮑Sir」不忘對他作出鼓勵：「呢幾場佢表演不過不失，但真係經驗尚淺，所以容易犯錯，不過防線始終冇一個有經驗球員喺度提點，對年青球員嚟講係好困難嘅事。」
缺陣超過1個半月的柏度哥斯達，上場對港會後備上陣約30分鐘，「鮑Sir」認為有助應付高空球。柏度哥斯達則指，早前對自己而言屬於艱難時期，復出後盡力幫助球隊：「咁長時間唔能夠比賽，對我嚟講好難過。上場結果不似預期，但球季仲有好長，我哋一定會繼續努力。」
【兩隊預計正選陣容】
東方
門將：1.葉鴻輝
後衞：19.亞歷斯祖 3.高素巴耶夫 21.丹尼爾 30.黃梓浩
中場：14.余在言 27.馬高斯 16.梁振邦
前鋒：23.馬希偉 7.巴科爾 9.巴杜姆
均業北區
門將：1.龐焯熙
後衞：23.韋健豪 35.柏度哥斯達 3.基拿美 27.黃靖然 2.波比
中場：11.古杜拉 22.劉君正 10.羅曉聰 29.簡嘉亨
前鋒：8.肯迪