港超聯　開齋兼帽子戲法　「肥彭」：我仲有排踢

「中銀人壽香港超級聯賽」周日（10日）尾場於香港足球球會足球場上演激戰，最後冠忠南區以4比3險勝港會，今場大演帽子戲法的史提芬彭利拿，表示對於取得3分對球隊及其個人而言意義重大，期望在港隊及球隊中繼續爭取上陣機會及貢獻。

「肥彭」全場取得3個入球，作為保住南區勝局的功臣之一，他認為今場球隊表現理想：「今季呢個開齋波我等咗好耐，好感恩可以幫到球隊贏波。今場補時加埋足足有成18分鐘，大家體力見底之下，仲同對手咬到最後一秒，又製造到唔少埋門機會，就知我哋好恨贏波。今場可以幫球隊攞曬三分，係成班隊友一齊努力嘅成果。」

36歲的「肥彭」上月出戰國際足球友誼賽，協助港隊擊敗對手柬埔寨，今期再獲徵召出戰11月兩場熱身賽，他表示自己期待繼續為港隊作出貢獻：「我一直都有同韋斯活保持聯絡，如果有機會為港隊上陣我一定會努力去踢，上場對住柬埔寨已經係一個證明，我可以繼續踢落去，希望可以得到更多嘅認同。」