【阿甲】小阿根廷人細鍊班菲特
2024年11月11日 20:00
東網電視
更多新聞短片
小阿根廷人主場迎戰班菲特。
周二朝早阿甲下游對決，小阿根廷人主場迎戰班菲特，兩隊波近況都唔係好掂，小阿根廷人近7場比賽只得1勝，班菲特近6場亦只贏過1場。鋒線把握力不足係兩軍最大弱點，今季聯賽場均入球少過1球，海軍鬥水兵唔慌多機會，一於用2.5球入球細做過關變倍器。（HOY TV 76周二上午8時直播）
小阿根廷人上場輸畀弱旅防衛者，對士氣造成好大打擊，不過佢哋主場成績尚算平穩，近7場聯賽主場只係失過1球，要喺佢哋身上拎到入波都唔容易。小阿根廷人狀態麻麻，預計今場都會先求穩陣，希望把握一、兩次機會爭取勝利，唔介意大踢悶波。
班菲特喺烏拉圭教練梅路亞接手後，踢法都係以守為主，佢上任後班菲特作客從未試過單場入多過1球，入球能力極差。睇番兩隊過去7次對賽，有6次總入球都開2球或以下，既然兩隊都唔係咁識入波，開2.5球入球細機會自然高唱入雲。
更多賠率：