捧杯命！前车路士名将执教一个月夺冠

周一凌晨（11日）嘅巴西杯决赛次回合，法林明高1比0击败明尼路，两回合合计赢4比1顺利夺冠，亦系前车路士功勋球员菲腊路尔斯执教球队一个多月，就带领球队捧杯而回，成为美谈。

菲腊路尔斯系车路士2014至15年球季英超冠军成员，佢效力车路士一季就捧英超同英联杯，而佢生涯大部分时间都效力马体会，共两夺欧霸杯及欧超杯，仲有西甲同西班牙杯各一次，返回巴西效力法林明高，捧杯次数就更多，包括巴甲、巴超杯、自由杯各两次，巴西国家队亦捧过洲际杯同美洲杯各一次，直至去年12月在法林明高宣布挂靴。

39岁嘅菲腊路尔斯挂靴后出任法林明高U20教头，展开教练工作，法林明高9月宣布辞退迪迪，结果就搵咗菲腊路尔斯接手，虽然佢执教经验尚浅，但就得到球员尊重，就好似近期喺曼联做看守领队嘅云尼斯达莱，球队愈踢愈好，卒之依家仲捧埋杯添。