連迪路夫脫「魔」成定局　A米趁機招攬

2024年11月12日 23:05
  • 東網電視
    更多新聞短片
    域陀連迪路夫今季英超僅上陣4次。(Getty Images)
    曼聯中堅域陀連迪路夫將於明夏約滿，會方無意同呢位30歲瑞典國腳續約，佢可以喺明年1月開始同其他球會傾加盟事宜，盛傳意甲勁旅AC米蘭計劃簽入域陀連迪路夫。
    曼聯現時中堅人腳充裕，除咗原有嘅哈利馬古尼、利辛度馬天尼斯、莊尼伊雲斯之外，今夏仲簽入馬菲斯迪歷特、蘭尼約羅，域陀連迪路夫今季英超僅上陣4次。
    隨住19歲法國新星蘭尼約羅已經接近傷愈復出，域陀連迪路夫將更加難有上陣機會，離隊成為佢唯一出路。
    AC米蘭今季防線表現欠佳，所以睇中域陀連迪路夫，一來佢大賽經驗豐富，二來明夏恢復自由身，可以免轉會費簽入呢位球星，對於財力不足嘅A米而言，非常有吸引力。
    事實上，以往有唔少曼聯球員去意甲搵食，都獲得重生，域陀連迪路夫同A米有望一拍即合。