近4场欧联轰11球 皇马女足大无畏
2024年11月13日 16:03
东网电视
更多新闻短片
皇马女足火力极强。(Getty Images)
女子欧联B组赛事，西班牙劲旅皇家马德里女足主场迎战“新丁”川迪女足，呢场系两队争夺出线嘅关键战，肯定希望喺对手身上拎晒3分。皇马女足一向火力极强，首次战欧联分组赛嘅川迪女足亦大无畏，今场好大机会驳火，博3.5球嘅入球大好路。（周四凌晨1时45分开赛）
B组榜首车路士女足公认系出线顶头大热，皇马女足同川迪女足就被睇好争夺另一出线资格，佢哋目前都系1胜1负，嚟紧连斗两场好可能会决定出线权谁属，争胜斗志唔使怀疑。
皇马女足火力极强，艾巴莉当杜、莲达卡丝杜等前锋状态大勇，上场女子西甲就喺先落后下，连入3球反胜3比1，近3场比赛全胜。皇马女足近4场欧联轰入11球，对住车路士女足力战下仅输2比3，强大锋线可以击破任何球队防线，今场唔忧冇波入。
川迪女足虽然系首次跻身欧联分组赛，而且球员平均年龄极低，最老嘅云多兰都系得25岁，正所谓初生之犊不畏虎，对住欧洲各地劲旅一样大踢进攻足球，近6场欧联有5次总入球开4球或以上，追3.5球大盘系最佳选择。
更多赔率：