艾摩廉首次參觀奧脫福　下周一開工

曼聯新領隊魯賓艾摩廉繼早前同球員見面之後，周四(14日)首次以主帥身份踏足紅魔鬼主場奧脫福球場，由於呢位39歲葡萄牙少帥仍然未獲批英國工作證，預料要等到下周一(18日)先至會正式開工，帶隊操練。

魯賓艾摩廉去到奧脫福球場四處參觀，特別專注了解歷任主帥資料，並同在場球迷、遊客等人士握手打招呼，佢入到獎盃室話：「我哋都知道，曼聯必須贏波。」其實艾摩廉並非第1次踏足奧脫福球場，佢球員時代曾經為賓菲加及布拉加作客鬥曼聯，現時身份調轉，感受大不同，佢揚言已準備好11月24日首度率領曼聯出戰英超作客葉士域治。

由於曼聯大部分主力現時正在為國家隊比賽，下周中先至會歸隊，增加魯賓艾摩廉備戰難度。