送瘟神！祖雲達斯與普巴解約

祖雲達斯官方宣布，與法國中場保羅普巴協商後，同意解約，合約會在11月30日正式中止，據報普巴現時身在邁阿密，仍未決定去向。

祖雲達斯與普巴解約發出公布，雙方協商中止合約，該法國中場2022年夏天與曼聯約滿後，以自由身重返祖記，不過甫加盟即受傷，2023年8月在意甲對烏甸尼斯上陣，賽後藥檢驗出使用興奮劑，被重判停賽4年，上訴後獲減刑至停賽18個月。

普巴今次重返祖記，僅上陣12場，普巴亦在個人社交網發文表達感受，他表示：「我在祖雲達斯時光已經結束，好榮幸能夠着上『斑馬軍團』球衣，呢段回憶我將永遠記住，即使在過去一年艱難時間，球迷嘅支持亦我繼續前進，感謝球迷嘅寬容，感謝隊友一起經歷許多美好時刻，祝佢哋將來取得成功。」

普巴將於明年3月停賽期屆滿，佢正在邁阿密操練，消息指佢可能會轉戰美職，加盟國際邁亞密，另一可能係轉戰沙特。