熱刺爆內亂　領隊同意大利幫不和

熱刺今季表現時好時壞，原來球隊內部出咗問題，據報領隊普斯迪高路，與隊內4名「意大利幫」球員鬧不和，佢哋係烏杜治、古里莫維卡里奧、賓坦古亞同基斯甸羅美路，情況都幾嚴重。

報道指，問題出在「澳普」身上，佢喺公開場合同更衣室嘅講話，引起隊內球員情緒反應，幾位「意大利幫」球員同佢關係緊張，直接影響球隊表現。

國際賽檔期前，熱刺連續輸畀加拉塔沙雷同葉士域治，經歷2連敗，國際賽檔期後將在聯賽對曼城，雖然佢哋早前英聯盃贏過曼城，但如果繼續踢「海鮮波」，不但下場賽事有變數，今季要爭取好成績都存在好大障礙。