賽馬會菁英盃　標準流浪隊長劉智樂：我哋目標係盃賽

「賽馬會菁英盃」周日（17日）在小西灣運動場上演B組賽事，最終標準流浪以2比1擊敗九龍城，今場隊長劉智樂梅開二度，為球隊取得分組賽首勝，並希望球隊保持積極，力爭「菁英盃」出線席位。

上半場雙方陷入僵局，直至58分鐘流浪憑劉智樂的妙射得手，成功打開記錄，「樂仔」認為球隊經調整後成功踢出教練部署，期望繼續乘勝追擊：「今場對手同我哋人腳方面唔係齊整，所以踢法上會比較保守，下半場出嚟之後就加快少少速度，發揮我哋最擅長嘅打反擊，主導番個局勢，好好彩畀我哋把握到埋門機會，喺領先之下贏到波。呢兩三年時間流浪喺盃賽成績一直唔錯，希望可以延續到今場勝仗嘅氣勢，爭取出線。」

近年恆常入選港隊初選名單的「樂仔」於今季各項賽事中，已取得5個入球，「樂仔」表示自己會盡力表現，期望今季有機會貢獻港隊：「我喺初選名單都有1、兩年時間，我相信其實教練團係一直有關注我嘅表現，不過可能新教練揀前鋒方面有自己取向，我會保持自己嘅水準表現，等待機會。」