尼馬想返巴甲　彭美拉斯會長：我哋唔係醫院

巴西球星尼馬盛傳將同希拉爾傾解約，如果成事嘅話，明年1月份會重返巴甲比賽，不過彭美拉斯會長彭利拿就率先「割席」，講明一定唔會簽尼馬，因為彭美拉斯「唔係醫院」！

尼馬近年傷患不斷，加盟希拉爾1年半只係踢過428分鐘比賽，報道指雙方正商討提前解約，而尼馬目標係以自由身重返巴甲，首選係加盟母會山度士，而彭美拉斯亦係傳聞球會之一。

不過，彭美拉斯會長彭利拿就率先表態：「尼馬係偉大球員，佢應該會去山度士，呢點我唔清楚，但我只會簽可以即刻上陣幫助球隊嘅人，彭美拉斯唔係醫院，我哋唔會簽上唔到陣嘅人。」