艾摩廉清洗曼聯舊將　艾歷臣明夏離隊

艾摩廉上任曼聯主教練，人腳大執位在所難免，據報明夏約滿嘅基斯甸艾歷臣不獲續約，今季結束後將自由身離隊。

「轉會專家」羅曼諾報道，曼聯未有就續約與艾歷臣接觸，並會考慮新主教練艾摩廉意見，艾歷臣預計完成今季合約後離隊。

其實32歲嘅艾歷臣係今季曼聯隊中表現比較穩定一員，交出4入球3助攻，能傳擅射，不過坦哈格已落台，艾摩廉接手後，艾歷臣在陣中角色又要重新定位，依家睇嚟艾歷臣將被放棄。

艾摩廉現時手上已經有曼紐爾烏加迪一位「嫡系」，佢亦睇中新星明奈潛質，打算全力栽培，艾歷臣將會被放埋一邊，等佢「自然流失」。