曼聯不願賤賣水貨　祖記簽舒克斯難度高

曼聯今夏收購荷蘭前鋒約舒亞舒克斯，至今僅交出1入球2助攻，已被標籤為「水貨」，據報祖雲達斯有意收歸旗下，但曼聯不願賤賣，索價5,000萬歐元(約4.1億港元)，令祖記卻步。

舒克斯雖然未能融入曼聯，但佢喺博洛尼亞成名，有能力喺意甲立足，仲跟隨過莫達，今季莫達執教祖記，一直關注舒克斯動向，知道佢喺曼聯失意，有意向佢招手。

曼聯今夏由博洛尼亞簽入舒克斯，轉會費3,650萬鎊(約3.6億港元)，依家證實唔啱用，但竟然抬價到5,000萬歐元，若然成功出售仲有錢賺，祖記想簽入舒克斯有一定難度。

其實曼聯留住舒克斯有自己打算，就係明夏斟介拿玻里射手域陀奧森漢，將會以舒克斯為交易籌碼，再加2,500萬歐元同拿玻里交換，總之就唔會將舒克斯賤賣。