【多圖】世界最性感女球證騷哥利　網民：想畀佢瘋狂判罰

球證執法水平經常遭到教練、球員及球迷批評，唯獨意大利女球證羅曼莉(Claudia Romani)例外，因為呢位判官被譽為全世界最性感女球證，近期喺社交網上載比堅尼泳照，引起網民「暴動」，紛紛話想畀佢瘋狂判罰。

羅曼莉出生於意大利，少女時代移居丹麥及英國生活，加入模特兒行列，曾於2006年獲選為世界100大最性感女性。呢位性感尤物仲係1位球迷，最愛意甲勁旅AC米蘭，佢可能想親近球員，專登考取球證資格。不過，亦有消息指羅曼莉純粹想借足球提升知名度，吸引男球迷，呢招策略相當成功，佢嘅社交網Instagram擁有近131萬「粉絲」。

羅曼莉近年移居美國邁阿密，冇再執法比賽，雖然佢已年屆42歲，但風韻猶存，好多網民希望佢出山主吹賽事。