曼聯下季波衫大變革　齊做「薰衣佬」

曼聯比賽成績欠佳，但商業吸金手段，卻屬於球壇首屈一指，根據英國《太陽報》爆料，紅魔鬼下季作客球衣將會有突破性設計，以從未使用嘅薰衣草色圖案做賣點，勢必令人眼前一亮，引起搶購潮。

網上流傳曼聯2025/06年球季作客球衣圖片，以薰衣草色為主，包括由多個代表曼聯嘅深色M字構成圖案，整體設計似1990年代作客球衣，甚有復古味道，當年曼聯開始復興，會方採用呢款設計，似乎有王者再臨意思。

曼聯上年同球衣贊助商ADIDAS續約至2035年，總值9億鎊(約89億港元)，未來有排玩新設計，吸引球迷課金買波衫。