利迷变神探　红军年历预示3主将续约成疑？

利物浦今季成绩彪炳，不过穆罕默德沙拿、华基尔云迪积克同阿历山大阿诺特嘅续约问题成为隐忧，3大主力明年夏天就回复自由身，但续约迟迟未有声气，而利物浦日前推出2025年年历，利物浦球迷睇完就更加担心！

利物浦推出嘅2025年年历售价系10.99镑，12位最Top球星每个月轮流担大旗，3位“续约目标”当然榜上有名，不过佢哋被安排喺2月(阿诺特)、3月(沙拿)同4月(云迪积克)孭飞，就被“利迷神探”怀疑系刻意安排，因为佢哋喺上半年铁定仲系利物浦球员，所以要趁早推出，避免下半年一旦约满离队，买咗年历嘅球迷要对住个已离队球员嘅尴尬情况。

一直有传皇家马德里对阿历山大阿诺特志在必得，希望佢接替丹尼尔卡华积嘅右闸位置，而穆罕默德沙拿亦盛传系沙特球会嘅主要猎物，华基尔云迪积克早前对续约问题不置可否，不过普遍认为佢系最大机会续约嘅1个。