桑马达做美职新军老板　碧咸后第2人！

曾效力曼联、车路士等豪门嘅西班牙球星桑马达，周三(20日)宣布成为美职新军FC圣迭戈老板之一，系碧咸后第2个持有美职球会股份嘅球员，更系现役球员中第1人！

现年36岁嘅西班牙中场桑马达，发表声明证实：“加入FC圣迭戈做合伙人系个令人兴奋嘅计划，希望可以帮手创造一啲特别嘅成就。”桑马达今年9月加盟澳职球会西悉尼流浪者，FC圣迭戈表明佢系第1个持有美职球会股份嘅现役球员。

FC圣迭戈大老板系埃及商人穆罕默德文梳亚，佢同时亦系丹麦球会洛斯查兰特班主，佢亦欢迎桑马达加入：“好开心桑马达成为合作伙伴，佢系天生胜利者，同我哋有相同足球理念。”FC圣迭戈将喺2025年加入美职联赛，喺西岸角逐。