馬體會重槌出擊　洽購車路士金童

阿根廷中場安素費南迪斯近期在車路士失去正選席位，引起歐洲各豪門注視，除咗國米同巴塞有意借用，馬體會更有實際行動，已經與球員經紀團隊初步接觸，準備高價向車路士挖角。

馬體會在西甲仍然企穩第3，歐聯亦有贏有輸，但明顯中場效率逐漸下降，主帥施蒙特獲高層批准，在市場物色一名新中場核心，加上會方近年縮減開支及出售球員，增兵預算尚算充裕，足以應付收購安素費南迪斯嘅龐大開支。

安素費南迪斯在2022世界盃當選最佳年輕球員後，車路士2023年初立即從賓菲加簽佢返嚟，當時轉會費高達1.06億鎊(約10億港元)，即使今夏不獲馬利斯卡重用，但仍不會賤賣呢位23歲中場，據報現時標價7,000萬歐元(約5.7億港元)，而且不接受先借後買，馬體會想簽佢，就要狠下決心重槌出擊。