李斯特城護級受打擊　天才翼鋒重傷收咧

今季重返英超嘅李斯特城，目前排喺第15位嘅安全區，不過國際賽期間就收到噩耗，20歲翼鋒法達胡代表加納踢非國外嗰陣，膝頭十字韌帶嚴重受傷，領隊谷巴證實佢今季已提早收咧。

法達胡今季喺李斯特城11場聯賽都有上陣，表現受到好評，上星期佢代表加納踢非國外，正選上陣鬥安哥拉，結果半場期間受傷退下火線，檢查後發現膝頭傷勢情況嚴重。

李斯特城領隊谷巴周四(21)證實：「壞消息，法達胡嘅傷好嚴重，係十字韌帶出事，今季都唔會踢到，雖然好困難，但呢個只係法達胡職業生涯一個小停頓，佢會更強大回歸。」