世纪重逢？摩连奴短讯邀C朗投费伦巴治

葡萄牙球星C朗拿度39岁仍然踢出高水平，佢同艾纳斯嘅合约明年夏天完结，据报曾经同C朗共事嘅摩连奴，正密谋邀请C朗加盟费伦巴治，并且发短讯向C朗送出邀请。

土耳其媒体《Fotomac》报道，摩连奴正尝试游说C朗重返欧洲，并向佢发出短讯：“你喺沙特开心吗？有听闻你想离开，如果你真系离开，你会想嚟费伦巴治吗？”报道仲话费伦巴治总监白兰高，已经同C朗经理人佐治文迪斯联络，了解C朗目前情况。

C朗同摩连奴曾经喺皇家马德里合作3季，关系唔错，39岁嘅C朗曾暗示会至少踢到2026年世杯之后，如果佢选择加盟费伦巴治，将有机会重返欧联舞台，继续刷新佢嘅入球纪录。