計唔掂數！利物浦續約3大主力難成事

利物浦同3大主力穆罕默德沙拿、華基爾雲迪積克及阿歷山大阿諾特傾續約持續咗幾個月，至今未有結果，據報係因為計唔掂數，利物浦現時處於虧蝕狀態，無法承擔3位主力續約後開支，除非對方肯降低要求，否則只能等佢哋約滿離隊。

英國傳媒分析指，雖然利物浦近年成績優異，年收入高達5.94億鎊(約58億港元)，但因為門票價格相對便宜，最平門票39鎊(約380港元)有交易，因此錄得900萬鎊顧蝕，如果要同上述3名主力續約，滿足佢哋所有要求，例如「阿奴」要求周薪35萬鎊，將會令財政繼續惡化。

除咗帳面計唔掂條數，利物浦會方仲要計埋3人續約後嘅連鎖反應，隊中年輕球員更新合約後亦要提升待遇，開支將會不斷上升。

另一個考慮因素，就係沙拿同雲迪積克年紀唔細，會方同兩人續超過一年約，所承擔風險將會加倍，呢個亦係會方舉旗不定嘅原因。