计唔掂数！利物浦续约3大主力难成事

利物浦同3大主力穆罕默德沙拿、华基尔云迪积克及阿历山大阿诺特倾续约持续咗几个月，至今未有结果，据报系因为计唔掂数，利物浦现时处于亏蚀状态，无法承担3位主力续约后开支，除非对方肯降低要求，否则只能等佢哋约满离队。

英国传媒分析指，虽然利物浦近年成绩优异，年收入高达5.94亿镑(约58亿港元)，但因为门票价格相对便宜，最平门票39镑(约380港元)有交易，因此录得900万镑顾蚀，如果要同上述3名主力续约，满足佢哋所有要求，例如“阿奴”要求周薪35万镑，将会令财政继续恶化。

除咗帐面计唔掂条数，利物浦会方仲要计埋3人续约后嘅连锁反应，队中年轻球员更新合约后亦要提升待遇，开支将会不断上升。

另一个考虑因素，就系沙拿同云迪积克年纪唔细，会方同两人续超过一年约，所承担风险将会加倍，呢个亦系会方举旗不定嘅原因。