艾摩廉懂3種語言　在曼聯如魚得水

曼聯新帥魯賓艾摩廉上任只有個多星期，齊人練波更只得幾日，但已顯示其過人之處，就係溝通能力極強，而且懂英文、西班牙同葡萄牙3種語言，可以無障礙同球員對話，好快得到球員認可，在隊中如魚得水。

曼聯官網發布多幅圖片，艾摩廉幾乎同所有球員擁抱，展示佢強大親和力，好快同全隊打成一片，不過場上訓練時則相當嚴格，而且親力親為在旁指導，除咗較年輕球員聽佢號令，老將莊尼伊雲斯都接受指導，要求球員盡快達到佢嘅戰術要求。

英國傳媒分析指，艾摩廉係一位強硬而具魅力主帥，39歲嘅佢同球員年齡差距不大，可以更容易同球員溝通，傳達指令。

艾摩廉另一優勢係懂3國語語，在操練後會議上，佢使用英語、西班牙及葡萄牙語講解，能夠與球員暢順溝通，大家都明佢講乜。