阿仙奴争标受打击　宾韦特长抖数个月

英超劲旅阿仙奴爆出不利消息，防线主力宾韦特嘅伤患康复进度缓慢，领队阿迪达透露，呢位27岁右后卫需要休息数个月，意味将缺阵今季大部分赛事，对于兵工厂争标造成沉重打击。

宾韦特上轮英超上阵对车路士，整伤膝部，阿迪达最新表示，呢位守将伤势令人担忧：“宾韦特嘅情况比较复杂，同以往好唔同，仍然冇明显改善，我哋需要保护宾韦特，佢将会缺阵数个月。”

宾韦特上季为阿仙奴各项赛事上阵51场，并有4球进帐，属于球队争标主力，但今季只有12次披甲。由于阿仙奴缺乏副选右后卫，宾韦特之前缺阵期间，甚至需要中场汤马士柏迪客串右闸，佢今次长抖，兵工厂可能需要喺明年1月冬季转会市场重开后，签入右后卫。