謝德謙：熱刺海鮮波作客濕滯

曼城主場迎戰熱刺，落後榜首5分兼4連敗嘅「藍月亮」，為咗追趕利物浦今場必定火力全開，兩連敗嘅熱刺暫排聯賽第10位，相信今場繼續大打進攻足球，務求重溫聯賽盃擊敗「藍月」嘅好夢。

曼城最近喺各項比賽連輸4場，主帥哥迪奥拿與「藍月」完成續約，新合約為兩年，相信對球隊上下注入強心針，特別係哥帥任內成績出眾。今個國際賽期之後除咗哥帥及王牌前鋒夏蘭特將續約消息出現，奇雲迪布尼、史東斯、基亞利殊同文路爾艾簡治已經復操，相信今場再次面對熱刺，哥帥深明邊度跌低邊度起身嘅道理。

熱刺今季入球數字暫時冠絕英超，不過成績只係排係中游，可見球隊發揮唔太穩定。主帥普斯迪高路深明進攻之道，預計今場作客都唔會退縮，中場賓坦古亞因言論不當，被足總重罰停賽7場，失去呢位球隊攔截王，形勢不容樂觀，特別係熱刺今季作客只得1勝，估計「藍月」有望重開勝利之門。