港超聯　戲劇性扳平　雷仙奴：講個信字！

標準流浪周日（24日）在「中銀人壽香港超級聯賽」，一度以0比3落後予均業北區，但憑後備入替的雷仙奴梅開二度，加上劉智樂有1球進帳，戲劇性以3比3逼和對手，賽後被選為「全場最佳球員」（POM）的雷仙奴，表示所有球員陷入困境下仍未曾放棄，認為是役賽果將大大提升球隊士氣。

雷仙奴今場被列為後備，惟流浪開賽16分鐘已落後兩球，便於23分鐘換入這位巴西外援加強攻力，縱使他上陣後不久北區再入1球，但這位巴西外援仍成功為球隊搶回1分，他賽後受訪時直言對未能擔正，感到可惜：「我喺呢個禮拜操練搏到盡，將最好嘅一面畀教練睇，結果冇得踢正選確係有啲唔開心，好彩最後都入咗兩球，幫球隊搶番1分。」

談到球隊今場一度落後3球，仍成功搶分，他大讚隊友意志堅定，上下一心，才得以走出絕境：「雖然上半場就落後3球，但所有人都冇諗過放棄，一直相信仲有得追，結果真係入番佢哋3粒，所以呢場絕對幫我哋打咗支強心針，以後就算面對逆境，都會堅持到底。」