拉舒福特奇招谷狀態　狂打MMA

曼聯前鋒拉舒福特近年狀態持續低迷，根據英國《太陽報》爆料，指呢位27歲英格蘭球星近期積極投入學習綜合格鬥(MMA)及拳擊，目的就係提升狀態。

拉舒福特早前冇份入選英格蘭國家隊，飛去美國度假，並入場睇NBA籃球比賽，被批評太懶散。不過，原來福仔此行主要目的係去觀摩UFC綜合格鬥冠軍賽，從中偷師。有知情人士表示，拉舒福特愈來愈喜歡玩MMA及拳擊，並認為呢項運動有助佢提升身體質素及體能。

據悉曼聯管理層都知道拉舒福特有玩MMA，並冇反對佢咁做，似乎都認同佢用其他方法「加操」改善狀態。