奧雲吹奏：聽艾摩廉10分鐘　勝坦哈格2年半

千呼萬喚！曼聯嘅「艾摩廉時代」即將展開，英格蘭名將奧雲喺新時代開始前，率先「吹奏」魯賓艾摩廉嘅魅力，表示聽呢位葡萄牙主帥10分鐘嘅對話，已經「有益」過前領隊坦哈格2年半以來講過嘅嘢，奧雲果然係世界仔！

據報艾摩廉上任後，對曼聯嘅訓練強度作出明顯加強，近期做訪問亦相當得體。奧雲喺社交網表示：「曼聯近年經常畀球迷假嘅希望，但今次你感覺到艾摩廉係真命天子，我鍾意佢嘅風度同自信，佢講10分鐘嘅嘢，內容有益過坦哈格過去2年半加埋。」

周一(25日)凌晨作客葉士域治，係艾摩廉首次帶領曼聯出賽，佢表明會優先為球隊確立風格，預計將起用3-4-3嘅全新陣式。