奥云吹奏：听艾摩廉10分钟　胜坦哈格2年半

千呼万唤！曼联嘅“艾摩廉时代”即将展开，英格兰名将奥云喺新时代开始前，率先“吹奏”鲁宾艾摩廉嘅魅力，表示听呢位葡萄牙主帅10分钟嘅对话，已经“有益”过前领队坦哈格2年半以来讲过嘅嘢，奥云果然系世界仔！

据报艾摩廉上任后，对曼联嘅训练强度作出明显加强，近期做访问亦相当得体。奥云喺社交网表示：“曼联近年经常畀球迷假嘅希望，但今次你感觉到艾摩廉系真命天子，我锺意佢嘅风度同自信，佢讲10分钟嘅嘢，内容有益过坦哈格过去2年半加埋。”

周一(25日)凌晨作客叶士域治，系艾摩廉首次带领曼联出赛，佢表明会优先为球队确立风格，预计将起用3-4-3嘅全新阵式。