曼联两大肉酸数据　坚尼一针见血：本性难移

曼联新领队新作风，鲁宾艾摩廉嘅3-4-3阵式令人期待，不过“王朝非一天建造”，曼联新阵第1击就录得两项羞家数据，名宿坚尼赛后一针见血：咪又系同一班人！

通常新帅上场都会有刺激作用，球员会踢得特别落力，不过英国《天空体育》数据显示，曼联今仗全场只系录得102公里跑动距离，系球队今季跑动第2少嘅赛事；另外，创造力不足仍然系曼联死穴，Opta显示曼联今仗xG(预期入球)只得0.8球，远低于对手叶士域治嘅1.58球，1比1嘅战果其实已经系“赚咗”。

曼联名将坚尼赛后分析就一针见血：“我哋睇到曼联嘅队型，不过用紧嘅咪又系同一班人，有同一样嘅问题。江山易改，本性难移......我信唔信呢队波有能力杀入前4？绝对唔信！旧嘅问题仍然喺度，质素欠奉，一切都系预计之中。”