利物浦赢波带出8分　施洛唔认等捧杯：上季阿仙奴...

今季演出势如破竹嘅利物浦，周日(24日)英超作客3比2反胜修咸顿，近14场赛事录得13胜1和嘅完美成绩。“红军”依家喺英超榜首带出8分，被一致睇好可重夺联赛冠军，不过领队施治赛后就唔认“等捧杯”，企图降温话：“睇下上季阿仙奴...”

利物浦今场控制战局，苏保斯拉尔30分钟借修咸顿解围失误射入领先，主队完半场前获争议12码，阿当岩士唐操刀被救出，幸佢反应够快成功补射追平。56分钟修咸顿精彩反击，由马迪奥斯费南迪斯入波意外领先，不过利物浦始终技高一筹，穆罕默德沙拿65分钟追平，83分钟再操刀12码建功，为利物浦赢3比2。

利物浦依家领先次席曼城8分，捧杯形势大好，但领队施治就自泼冷水：“依家嘅位置的确好好，不过我哋唔会自视过高，今季可能得1、2场大胜，大部份比赛都系胜负一线之差，我记得上季阿仙奴上季喺球季后段领先曼城8分，一样都被追上......曼城、阿仙奴、车路士呢啲球队都有能力踢出一段连胜走势。”