李斯特城搵新帥　雲佬成第3熱門

李斯特城宣布辭退領隊谷巴，要另覓主帥，剛離開曼聯嘅雲尼斯達萊獲各界睇好，成為「狐狸」帥位有力競爭者，排名第3，僅次於樸達同莫耶斯。

「雲佬」在坦哈格被辭退後，在曼聯做咗4場看守領隊，取得3勝1和佳績，令曼聯重現魔性，不過新主教練魯賓艾摩廉上任後，未有留用雲佬，雲佬亦於上周離開曼聯。

據報雲佬正在物色教練工作，已向英冠球隊高雲地利申請帥位，不過佢仍然希望執教一支英超球隊。

李斯特城近期出現主帥空缺，據報樸達係接任頂頭大熱，只得2.25倍，次熱係莫耶斯2.75倍，雲尼斯達萊排第3，有3.75倍，就連坦哈格都係候選人之一，不過係34倍大冷門，機會不大。