耶馬勇奪金童獎 傷愈復出強勢回歸
2024年11月28日 14:06
東網電視
更多新聞短片
耶馬得獎係眾望所歸。
西班牙天才球星拉明耶馬，上個月贏得U21金球獎(KOPA獎)後，周四(28日)再成為2024年「金童獎」得主，亦係巴塞隆拿近4年第3度贏得呢個獎項。
已舉辦超過20年嘅「金童獎」，由意大利《都靈體育報》主辦，經全歐洲嘅記者投票選出，今夏歐國盃以1入波同4助攻，帶領西班牙奪冠嘅耶馬大熱當選。
17歲嘅耶馬得獎後表示：「贏呢個獎係我嘅驕傲，多謝評審團、投票支持我嘅人，過去1年係不可思議，我期望之後會得到更多。」
連埋2021年得主柏迪、2022年得主加維，過去4屆金童獎有3屆落喺巴塞球員手上，上年得主就係皇家馬德里中場祖迪比寧咸。
耶馬獲獎外仲有好消息，因足踝受傷缺陣3場嘅佢，周三(27日)已經全面復操，周六(30日)西甲主場對拉斯彭馬斯有望復出。