耶马勇夺金童奖 伤愈复出强势回归
2024年11月28日 14:06
东网电视
更多新闻短片
耶马得奖系众望所归。
西班牙天才球星拉明耶马，上个月赢得U21金球奖(KOPA奖)后，周四(28日)再成为2024年“金童奖”得主，亦系巴塞隆拿近4年第3度赢得呢个奖项。
已举办超过20年嘅“金童奖”，由意大利《都灵体育报》主办，经全欧洲嘅记者投票选出，今夏欧国杯以1入波同4助攻，带领西班牙夺冠嘅耶马大热当选。
17岁嘅耶马得奖后表示：“赢呢个奖系我嘅骄傲，多谢评审团、投票支持我嘅人，过去1年系不可思议，我期望之后会得到更多。”
连埋2021年得主柏迪、2022年得主加维，过去4届金童奖有3届落喺巴塞球员手上，上年得主就系皇家马德里中场祖迪比宁咸。
耶马获奖外仲有好消息，因足踝受伤缺阵3场嘅佢，周三(27日)已经全面复操，周六(30日)西甲主场对拉斯彭马斯有望复出。