利物浦兩後衞受傷　鬥曼城上陣成疑

利物浦近期氣勢如虹，喺歐聯主場2比0擊敗皇家馬德里贏盡掌聲，不過佢哋喺呢場波入面，先後有干拿巴特利同伊巴希馬干拿迪受傷，嚟緊英超大戰曼城上陣成疑。

今場為利物浦凍結基利安麥巴比嘅干拿巴特利，下半場中段疑似大腿筋拉傷提早離場，而伊巴希馬干拿迪完場前被安迪歷從重撞傷，完場後被影到一拐一拐咁離開球場，情況令人擔心。

利物浦領隊施洛賽後表示：「我知道佢哋有咩地方唔妥，但依家唔知道嚴重程度，傷患總係會發生，如果佢哋下場(對曼城)踢唔到，就會有其他人頂上。」