利物浦两后卫受伤　斗曼城上阵成疑

利物浦近期气势如虹，喺欧联主场2比0击败皇家马德里赢尽掌声，不过佢哋喺呢场波入面，先后有干拿巴特利同伊巴希马干拿迪受伤，嚟紧英超大战曼城上阵成疑。

今场为利物浦冻结基利安麦巴比嘅干拿巴特利，下半场中段疑似大腿筋拉伤提早离场，而伊巴希马干拿迪完场前被安迪历从重撞伤，完场后被影到一拐一拐咁离开球场，情况令人担心。

利物浦领队施洛赛后表示：“我知道佢哋有咩地方唔妥，但依家唔知道严重程度，伤患总系会发生，如果佢哋下场(对曼城)踢唔到，就会有其他人顶上。”