【欧霸】两队防线穿大窿 热刺罗马演入球骚
2024年11月28日 21:00
东网电视
更多新闻短片
欧霸杯大战，英超“神经刀”热刺主场迎战意甲名牌罗马。热刺今季踢法继续有前冇后，近期防线更加爆发伤兵潮，以攻代守系唯一出路，今场对住后防一样咁“性感”嘅罗马，撑中位数3.5球入球大冇甩拖！（Now 638周五凌晨4时直播）
热刺贯彻领队普斯迪高路大开大合嘅进攻战术，所以成绩都系大起大跌，可以连续2比3输畀加拉塔沙雷、1比2不敌叶士域治，但作客又有能力大炒曼城4比0，表现好难捉摸，不过唯一肯定系热刺嘅比赛例牌多波入，近4场比赛有3场总入球开4球或以上。
热刺一对中坚云迪云同基斯甸罗美路继续养伤，门将古里莫维卡里奥日前亦进行手术需要长抖，令疲弱防线漏洞更大，今场想唔失波都好难。不过意甲老牌球会“雌狼”罗马亦经历频繁换帅，至今表现同样飘忽不定，佢哋近4场赛事失咗8球，条脆弱防线唔好得热刺几多，但好彩入球能力仍然保持，今仗以攻代守之下，预计作客会同热刺合演入球骚，博入球大最好路。
更多赔率：