干拿迪受傷　無緣鬥曼城

利物浦將於下周一(12月2日)凌晨英超主場對曼城，賽前紅軍傳出不利消息，中堅伊巴希馬干拿迪受傷，無緣今場大戰，令利物浦防線出現隱憂。

伊巴希馬干拿迪上場歐聯正選上陣，協助利物浦以2比0擊敗皇馬，但不幸整傷膝部，預料將缺陣5至6星期。呢位法國國腳喺社交網上話：「我喺上場歐聯比賽末段受傷，令人好沮喪，已經開始康復療程，我會以最佳狀態回歸。」

伊巴希馬干拿迪養傷之下，領隊施洛今場可能派出祖高美斯或者查洛爾昆沙，拍住華基爾雲迪積克扼守中路。