艾摩廉有「完美數據」　曼聯必贏愛華頓？

曼聯由新帥魯賓艾摩廉執教之後，上輪英超作客僅打和護級球隊葉士域治1比1，表現令人失望，就算上場歐霸盃擊敗波杜基林特，亦贏得非常驚險。曼聯將於周日(12月1日)晚英超主場對愛華頓，呢位39歲葡萄牙少帥能否首嘗英超勝利滋味，備受關注。

普遍輿論及博彩公司都睇好曼聯今場可以全取3分，主W熱爆只有1.4倍，唔多唔少因為魯賓艾摩廉有一項「完美數據」。原來艾摩廉執教士砵亭期間，由上季開始直至今季離隊之前，保持連續22場聯賽主場全勝，合共攻入72球，只失13球，期間有12場「零封」對手，堪稱「主場王者」。

加上曼聯近5次對愛華頓，獲得全勝，其中4次淨贏2球或以上，照計今場贏波應該冇甩拖。