麥巴比處於抑鬱階段　皇馬向施丹求助

基利安麥巴比上場歐聯對利物浦射失12碼落敗，令皇馬陷入出局危機，據報「麥總」現處於抑鬱階段，正接受專家診治，皇馬向施丹求助，因為施丹曾幫助賓施馬解決類似問題。

西班牙傳媒報道，麥巴比身邊人爆料，指「麥總」有精神問題，雖然未至於患上抑鬱症，但處於抑鬱階段，不過就算確診抑鬱症亦唔出奇，部份足球員都有此問題。

至於麥巴比出現抑鬱，原因係佢遭受批評，皇馬成績不穩，佢又遭法國國家隊棄用，承受來自球會、國家、球迷，甚至法國總統嘅巨大壓力，正接受專家治療。

據報皇馬打算向施丹求助，因為喺施丹執教皇馬期間，賓施馬曾出現同類問題，喺施丹幫助下走出困境。