高級銀牌　再闖決賽　余在言：彌補上季遺憾

東方周日（1日）在「高級組銀牌」4強，以3比1擊敗標準流浪，連續3季晉級決賽，今場交出兩個助攻的余在言（Jesse）稱球隊心態較以往更加堅定，盼彌補上季決賽落敗的遺憾，一嚐奪冠滋味。

Jesse去季加盟東方，即助球隊殺入「高級組銀牌」決賽，可惜球隊戰至加時後憾負，令當選決賽全場最佳球員的Jesse難掩失落，對於今季再度晉級決賽，Jesse指全隊心態較以往成長，有信心能修成正果：「上季決賽踢到加時先輸，激勵我哋每場波都要踢得硬淨啲，我有心理準備今次決賽，隨時要踢到互射12碼，但我哋會堅持到底，唔想再衰收尾！」

談到球隊將於決賽與理文爭奪冠軍，Jesse形容對方改由賀蘭特任主教練後，令球隊煥然一新，預計決賽惡戰難免：「理文搵咗新教練之後，畀到佢哋新鮮感，踢法又有變化，一定要小心應付，不過我哋呢一、兩季都有明顯進步，希望兩隊都可以踢場好波畀球迷睇。」