士砵亭新波衫致敬C朗　搵埋囝囝做Model

葡超劲旅士砵亭日前推出今季第2作客波衫，新衫以黑色为主，但最特别系用金色油出一个巨型“7”字，用意系向传奇球星C朗拿度致敬，士砵亭仲搵嚟C朗大仔做波衫Model，好有意思！

黑色新波衫上有金色条纹，除大大个“金7”图案，衣领、衣袖都有金色，官方宣传片亦强调“7”对士砵亭嘅意义，口号系：“有啲数字会留低传奇，下一个7号可能就系你！”最特别系着住呢件新衫登场嘅Model，正正就系C朗囝囝。

C朗2002年喺士砵亭出道，为球队上阵31场入过5球，之后就转投曼联展开“球王生涯”，至于小C朗依家14岁，正效力艾纳斯嘅青年队，不久将来有望子承父业。