曼市「藍轉紅」　曼聯一項數據反超曼城

自從曼聯傳奇主帥費格遜退休之後，紅魔鬼成績遠不及同市宿敵曼城，被指曼徹斯特「紅轉藍」。不過，時移世易，「藍月亮」曼城今季退步，英超淨得球僅3球，反而曼聯有4球，難怪唔少紅魔鬼球迷認為曼市將會「藍轉紅」。

曼聯上季英超排第8位，得失球竟然係「-1」成為笑柄，但今季攻守能力有改善，踢13場聯賽入17球及失13球，換言之得失球為「+4」。反觀，曼城吞利物浦2蛋之後，雖然仍然多曼聯4分，但得失球只有「+3」，好大程度上因為防守太差，已失19球。

曼聯由魯賓艾摩廉接手執教後，愈戰愈勇，隨時季尾排名高過曼城，都唔出奇。