艾摩廉唔领情？叫曼联球迷唔好唱打气歌

葡萄牙领队鲁宾艾摩廉执教曼联后，迅速赢得球迷欢心，曼联粉丝喺比赛中不断唱艾摩廉嘅打气歌曲，不过呢位少帅就“唔领情”，呼吁球迷停止唱佢嘅打气歌，转为帮场上嘅球员加油。

虽然只系带队3场，曼联球迷已将KC and The Sunshine Band歌曲《Give It Up》改编，变成艾摩廉嘅专属打气歌，上场联赛4比0大胜爱华顿一仗，歌声就传遍整个奥脱福球场。

不过艾摩廉表示：“我唔锺意呢个打气，唔锺意。感觉有啲......又唔可以话尴尬，但我系个领队，球迷应该为球员同球会加油。我明白同感激球迷对我嘅支持，但我想佢哋更加支持班球员，因为落场比赛嘅系佢哋。好荣幸同球迷建立呢种联系，我知道要用成绩去继续保持佢。”