雲佬入「城」第一擊 強攻韋斯咸大無畏
2024年12月03日 18:01
東網電視
更多新聞短片
英超李斯特城主場對韋斯咸。
英超快車由2場護級大戰展開序幕，重頭戲有新帥雲尼斯達萊上任嘅李斯特城，主場惡鬥韋斯咸。兩軍後防同樣鬆散，失球數字排聯賽頭幾位，加上雙方近6次交手，5次開3球或以上，今場推介2.5球入球大。（Now 621周三凌晨4時15分直播）
雲尼斯達萊上任令李斯特城多咗一班曼迷關注，睇吓佢教得好定魯賓艾摩廉教得掂。不過李城陣容一般，「雲佬」唔會好似喺曼聯做看守領隊咁易搞，「狐狸」中前場不乏好手，除咗老將占美華迪、佐敦阿休、馬維迪迪及占士祖斯甸都有一定級數，而且主場經常打高一皮波，今季聯賽6次主場，場場有波入，預料「雲佬」暫時唔會太大改變，橫掂韋斯咸後防都唔好，不如以攻代守好過。
韋斯咸啱啱主場畀阿仙奴炒到大大鑊，今場相信都唔想輸多一場，幸好今場「錘仔幫」有古達斯停賽5場後復出，呢名加納國腳可以增加番球隊中場活力，亦有望可以喺李斯特城身上取得入球，加上兩軍近年交手旺入球騷，入球大必捧。
更多賠率：