云佬入“城”第一击 强攻韦斯咸大无畏
2024年12月03日 18:01
东网电视
更多新闻短片
英超李斯特城主场对韦斯咸。
英超快车由2场护级大战展开序幕，重头戏有新帅云尼斯达莱上任嘅李斯特城，主场恶斗韦斯咸。两军后防同样松散，失球数字排联赛头几位，加上双方近6次交手，5次开3球或以上，今场推介2.5球入球大。（Now 621周三凌晨4时15分直播）
云尼斯达莱上任令李斯特城多咗一班曼迷关注，睇吓佢教得好定鲁宾艾摩廉教得掂。不过李城阵容一般，“云佬”唔会好似喺曼联做看守领队咁易搞，“狐狸”中前场不乏好手，除咗老将占美华迪、佐敦阿休、马维迪迪及占士祖斯甸都有一定级数，而且主场经常打高一皮波，今季联赛6次主场，场场有波入，预料“云佬”暂时唔会太大改变，横掂韦斯咸后防都唔好，不如以攻代守好过。
韦斯咸啱啱主场畀阿仙奴炒到大大镬，今场相信都唔想输多一场，幸好今场“锤仔帮”有古达斯停赛5场后复出，呢名加纳国脚可以增加番球队中场活力，亦有望可以喺李斯特城身上取得入球，加上两军近年交手旺入球骚，入球大必捧。
更多赔率：