曼聯2位猛將停賽　無緣鬥兵工廠

曼聯將於周四(5日)凌晨英超作客阿仙奴，2位主將利辛度馬天尼斯、明奈因為累積足夠黃牌，需要停賽1場，無緣今仗大戰，難免削弱曼聯防守力。

中堅利辛度馬天尼斯、防守中場明奈上仗對愛華頓，各自拎咗1張黃牌，今季英超同樣累積第5張黃牌，根據規例，將自動停賽1場。2人缺陣之下，曼聯下場對阿仙奴，可能由哈利馬古尼代替利辛度馬天尼斯嘅正選位置，曼紐爾烏加迪取代明奈。

另外，曼聯隊長般奴費南迪斯上仗被換離場之後，疑似受傷，需要用冰敷腳，幸好並冇大礙，可以上陣對阿仙奴。