【官宣】高爾彭馬當選FSA年度最佳　車路士第一人

英國足球球迷協會（FSA）公布，車路士中場高爾彭馬當選2024年最佳男子足球員，亦係首位獲此榮譽嘅車路士球員。

今次選舉候選球員計有高爾彭馬、艾寧夏蘭特、洛迪卡斯簡迪、布卡約沙卡、穆罕默德沙拿同奧尼屈堅斯，最終高爾彭馬力壓眾多強手當選，含金量十足。高爾彭馬當選後表示：「感謝所有投票畀嘅人，我好榮幸成為首位獲此獎項嘅車路士球員。」

22歲嘅高爾彭馬原本屬曼城青訓產品，但喺「藍月亮」未獲太多上陣機會，去年夏天以4,000萬鎊轉投車路士，雖然車路士成績低迷，但佢首個球季已有驚艷演出，上陣45場入25球，而且佢亦有觀眾緣，獲得英超最佳年輕球員獎，以及PFA球迷年度最佳獎項，並入選國家隊。

嚟到今季高爾彭馬更加大爆發，英超13場錄得8球6助攻，車路士重返爭標行列高踞聯賽次席，佢有好大功勞。