皇馬接觸達洛治經理人　曼聯開價4.1億

皇馬一直想搵新右閘，頂替老將丹尼爾卡華積，傳得最勁係利物浦嘅阿歷山大阿諾特，但據報皇馬已向另一目標埋手，近日接觸曼聯後衞達洛治經理人，曼聯亦有意出售，開價5,000萬歐元(約4.1億港元)。

報道指，皇馬搵達洛治，主要係因為阿諾特一旦同利物浦續約，佢哋搵新右閘嘅工作就要重頭嚟過，所以實行雙管齊下，而且曼聯簽入馬沙拉奧後，達洛治已失去右閘正選位置，要改為客串左閘，如果皇馬求購，達洛治絕對願意轉會。

搵達洛治另一個好處，就係人工偏低，周薪不足9萬鎊，比起阿諾特向利物浦要價30至35萬鎊，相差一大截，不過就支付轉會費。