施洛神回應沙拿「離隊暗示」：佢知曼城降班

利物浦今季氣勢如虹，重奪英超冠軍機會高唱入雲，不過王牌前鋒穆罕默德沙拿近期多次埋怨未獲續約，暗示明年好可能離隊，上場聯賽後再宣稱「可能係最後一次(主場)對曼城」。利物浦領隊施洛日前被問到呢個話題就有「神回應」，仲燒埋曼城嘅「115官司」！

沙拿同利物浦嘅合約明年夏天完結，下個月開始佢就可以自由同英超以外球會傾合約，上輪主場贏曼城後聲稱「可能係最後一次」。對於呢番言論，施洛表示：「或者沙拿知道曼城115條控罪官司嘅消息，所以佢預計曼城下季唔會喺英超......我只係講笑...重申我只係講笑。」

曼城上年2月被英超賽會控告違反財務規定，涉及控罪達到史無前例嘅115條，一旦罪成好大機會被罰降班。